Suriyanın paytaxtı Dəməşqin cənubundakı Yermuk düşərgəsindən minlərlə suriyalı döyüşçü uzaqlaşmağa başlayıb.

7news.az musavat.com-a istinadən xəbər verir ki, avtobuslar 2 min döyüşçünü aparmaq üçün əl-Kadam bölgəsinə gedib.

Aralarında Nusra Cəbhəsinin və İŞİD üzvlərinin olduğu döyüşçülər BMT-nin vasitəçiliyi ilə həyata keçirilən razılaşma çərçivəsində düşərgəni tərk edirlər.

Məlumata görə, 18 avtobus bölgəyə göndərilib. Razılaşma əsasında döyüşçülər ailələri ilə Rəqqa və ya Hələbin cənubuna göndəriləcəklər.

"Reuters" qeyd edir ki, avtobusların BMT və ya Suriya ordusu tərəfindən göndərilib-göndərilmədiyi sual altındadır.

7news.az