Onlar sosial şəbəkələrin istifadəçilərinin səhifələrinin necə sındırıldığını göstərirlər.

İnternetdə İŞİD yaraqlılarının Facebook və Twitter sosial şəbəkələrinin yaradıcıları Mark Zükerberqi və Cek Dorsinin hədələdikləri çarxlar yayılıb.

7News.Az LifeNews-a istinadən xəbər verir ki, sosial şəbəkələrin istifadəçilərinin səhifələrinin necə sındırıldığının göstərildiyi 25 dəqiqəlik videoda Zükerberq və Dorsinin güllə dəliklərinin olduğu şəkilləri görünür.

Çarxda yaraqlılar Facebook-da on mindən çox fərdi və 150 qrup səhifəsinin və 50 min Tvitter akkauntunu sındırdıqlarını bildiriblər.

Təhdidlərin olduğu bu videoçarxın yaraqlıların populyar sosial şəbəkələrə girişinin məhdudlaşdırılmasına cavab olduğu ehtimal edilir.