Evin açarını ustaya verib, istirahətə gedən cütlük qayıtdıqdan sonra evə quraşdırdıqları kameraya baxanda dəhşətə gəliblər.

İngiltərədə yaşayan 34 yaşlı Michael Williams məktəbli vaxtından tanıdığı santexnik dostuna açarı verərək, boruları dəyişdirməyi tapşırıb.

O, xanımı ilə birlikdə Antalya şəhərinə yollanıb. Onlar qayıtdıqda evdə boş pivə şüşələrinin olmasından şübhələnərək qonaq otağına quraşdırılan kameralara baxıblar.

Görüntüləri izləyən cütlük gözlərinə inana bilməyib. Belə ki, onların açar verdikləri 42 yaşlı usta Mike Wilson ərli qadını həmin evə gətirərək onunla cinsi əlaqədə olubmuş.

Videodakı qadının kimliyini müəyyənləşdirən ev sahibi görüntüləri onun həyat yoldaşına göndərərək ondan "intiqam" alıb.

Michael Williams ustadan polisə şikayət ərizəsi yazıb. Usta dindirilib, o, hadisə baş verən zaman alkoqollu içkinin təsiri altında olduğunu etiraf edib və zərərçəkəndən üzr istəyib.