Dünya miqyasında 50 müğənni "Avroviziya" mahnı yarışmasının İsraildə keçirilməsinə qarşı etiraz dalğası başladıb.

7News.Az publika.az-a istinadla xəbər verir ki, müğənnilər BBC telekanalını yarışmanın başqa ölkədə keçirilməsi üçün təzyiq göstərməyə çağırıblar.

Onlar bu barədə "Qardian" nəşrinə məktub göndəriblər. Məktubda bildirilib ki, yarışmanın keçiriləcəyi şəhərin Qüds deyil, Təl-Əviv olması nəticəni dəyişmir. Müğənnilər İsrailin Fələsətinə qarşı sərt siyasətini qəbul etmədikləri və insan haqlarının pozulduğunu əsas gətirərək müsabiqənin məhz İsraildə keçirilməsinə qarşı çıxırlar.

Məktuba imza atanlar arasında "Pink Floyd" qrupunun solisti və gitaraçısı Rocer Uoters, yazıçı Yann Martel və rejissor Ken Loç kimi şəxslər də yer alıb.