İtaliya çempionatının X turu çərçivəsində keçirilən "Peskara” – "Atalanta” oyunu zamanı zəlzələ baş verib. 5,5 ballıq zəlzələ matçın qısa müddətə dayandırılmasına səbəb olub.  

Paytaxt Romaya yaxın ərazidə baş verən zəlzələ "Peskara” – "Atalanta” matçında da hiss edilib. Hadisə meydanda olanları və tribunalara toplaşanları qorxuya salıb. Nəticədə qarşılaşma 2 dəqiqəlik dayandırılıb.

Daha sonra isə oyun davam etdirilib.

Qeyd edək ki, qarşılaşma "Atalanta”nın 1:0 hesablı səfər qələbəsi ilə başa çatıb.