Karsda 3 gündür axtarılan 3 yaşlı qızın ətəyi dərənin yanından tapılıb. 

7News.Az Türkiyə mətbuatına istinadən xəbər verir ki, 3 gündür evlərinin qarşısında oynayan 3 yaşlı Nurcan Sadənin axtarışları davam edir. 

Bu gün səhər saatlarında azyaşlının ətəyi dərənin yaxınlığında tapılıb. 

Nurcan Sadənin atası Hayrettin Sadənin mətbuata açıqlaması hər kəsi göz yaşına boğub. 

O bildirib ki, bu ətəyi qızı çox sevirmiş:

"Polislər ətəyi mənə gətirdilər. Bu ətək qızımın ölüm səbəbi oldu. Bunu o qədər çox sevirdi ki, əynindən çıxartmırdı. Axtarışlar davam edir. Allah dövlətimizdən razı olsun. Dayanmadan qızım üçün çalışırlar. Bu gün ən azından bilirəm ki, qızım dərəyə düşüb. Bundan başqa heç nə deyə bilmirəm".