Keniyada etiraz aksiyaları zamanı azı səkkiz nəfər ölüb, 400 nəfər yaralanıb.
7News.Az TASS-a istinadla xəbər verir ki, bu barədə Keniya Hüquq Cəmiyyəti, Polis İslahatı İşçi Qrupu və Keniya Tibb Assosiasiyasının birgə bəyanatında deyilir.
Bildirilir ki, ümumilikdə nümayişlər ölkənin 47 dairəsindən 23-nə yayılıb.
Qeyd olunub ki, tibbi yardım göstərilən 400 nəfərin 83-ü ağır bədən xəsarətləri alıb:
"Ən azı səkkiz etirazçı güllə yarası alıb. Yaralılar arasında üç polis əməkdaşı da var".
