Şimali Koreya lideri Kim Çen In növbəti dəfə dünya mətbuatının gündəminə gəlib.
"HaberGlobal”ın məlumatına görə, Şimali Koreya lideri Yapon dənizində keçirilən yaxınmənzilli raket sınağını izləyib.
Kim Çen In sınaqları izlədiyi zaman ətrafında toplanan əsgərlərin koronavirus təhlükəsindən qorunmaq məqsədilə tibbi maska taxdıqları müşahidə olunub. Diqqətçəkən məqam kimi isə bu vəziyyətdə Kim Çen Inın maskadan istifadə etməməsi göstərilib.
Xatırladaq ki, Şimali Koreyada hələlik koronavirusla bağlı ölüm halı qeydə alınmayıb, lakin "Daily NK” nəşri yanvardan indiyə qədər ölkədə 20 şübhəli ölüm faktının olduğunu iddia edib.
