"Rossiya 1" telekanalının efirində "Po sekretu vsemu svetu" səyahət şousunun Azərbaycana həsr olunmuş növbəti buraxılışı yayımlanıb.
7News.Az qafqazinfo-ya istinadən xəbər verir ki, proqramın aparıcısı Olqa Kuzmina əvvəlcə Yanardağ haqqında danışıb.
"Azərbaycan həmişə öz xoş münasibəti və isti qucağı ilə tanınıb, amma onun bu qədər isti olacağını düşünmürdüm", - Kuzmina verilişə başlayıb.
Azərbaycanı odlar və qonaqpərvərlik ölkəsi adlandıran aparıcı ölkəmizin Avropa ilə Asiyanın qovşağında yerləşdiyini qeyd edərək buranın "xüsusi yer" olduğunu deyib və Atəşgah məbədi haqda ətraflı danışıb.
