"Rusiya "G-20”də fəaliyyətini davam etdirəcək”.
7News.Az "RİA Novosti”yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.
Onun sözlərinə görə, Rusiya Prezidenti Vladimir Putin "G-20”nin İndoneziyada keçiriləcək zirvə toplantısına dəvət edilib.
Qeyd edək ki, Zirvə toplantısı 2022-ci il noyabrın 15-16-da İndoneziyanın Bali adasında keçiriləcək. Bu toplantıya Ukrayna Prezidenti Volodimir Zelenski də dəvət olunub. Rusiya və Ukrayna liderlərinin həmin tədbir çərçivəsində görüşəcəyi ehtimal olunur.
