Xarici işlər naziri Dmitri Kuleba rus əsgərlərinin analarından, arvadlarından və qızlarından onları evlərinə aparmağı və Rusiya hakimiyyətindən Ukraynaya qarşı işğalçı müharibəni dayandırmağı tələb etməyi xahiş edir.

7NEWS.az xəbər verir ki, bu barədə Ukrayna diplomatiyasının rəhbəri "Twitter” səhifəsində müraciət yayıb.

"Rus əsgərlərinin anaları, arvadları, qızları! Adamlarınızı evinizə aparın. Onlar yad ölkəyə gəliblər ki, günahsız insanları öldürsünlər, evlərimizi dağıtsınlar. Hökumətiniz yalan danışır. Ukrayna xalqı onları güllə deyil, silahla qarşılayır. hökumət fəth müharibəsini dayandırsın, yaxınlarını xilas etsin!” – deyə Kuleba yazıb.

Xəbər verdiyimiz kimi, fevralın 24-də Rusiya prezidenti Vladimir Putin Ukraynaya müharibə elan edib və genişmiqyaslı əməliyyata başlayıb. Ukraynanın bir sıra şəhərlərinə raket zərbələri endirilib, Ukrayna Silahlı Qüvvələrinin hərbi obyektlərinə hücum edilib.

Ukraynada hərbi vəziyyət tətbiq edilib. Prezident Vladimir Zelenski ümumi səfərbərlik elan edib.