Mayın 13-dək fasilələrlə yağan intensiv yağıntılarla əlaqədar olaraq Böyük-Qafqazın cənub yamacından axan Türyançay və Göyçay çaylarında sululuğun daha da artacağı, eyni zamanda Qarqarçay və Xaçınçay çaylarında da sululuğun artımı gözlənilir.
Bu barədə 7NEWS.Az-a Milli Hidrometeorologiya Xidmətindən xəbər verilib.
Bildiriliib ki, nəticədə Kürün aşağı axınında Zərdab, Sabirabad, Şirvan, Salyan, Neftçala rayonları ərazisindən keçən hissəsində səviyyənin artımı davam edəcək.
Onlayn rejimdə avtomat hidroloji stansiyalardan suyun səviyyəsi barədə məlumatlar təhlil edilir.
7NEWS.Az
