Küveytdə aralarında millət vəkillərinin də olduğu  bir qrup aksiya keçirərək  Rusiyanın Küveytdəki  səfiri Aleksey V. Solomatinin ölkədən çıxarılmasını tələb edib.

7news.Az avropa.info-ya istinadən xəbər verir ki, Suriya rejimi və müttəfiqlərinin Hələb şəhərində törətdiyi qırğına  etiraz etmək üçün, aralarında millət vəkillərinin də olduğu bir qrup Rusiyanın Küveytdəki  səfirliyi qarşısında aksiya keçiriblər.

Aksiyada çıxış edən Küveyt parlamentinin deputatı  Ceman əl Harbeş  Küveytin Hələbdə baş verən qətliamı dayandırmaq üçün bütün səlahiyyətlərindən istifadə edəcəyini deyib.

Deputat Mərzuk əl-Xəlifə isə Körfəz ölkələrini Hələb məsələsində konkret mövqe ortaya qoymağa çağırıb.

Deputat Vəlid Tabetabai isə başda Rusiya səfiri olmaqla Suriya rejimini dəstəkləyən bütün səfirlərin deportasiya edilməsini tələb edib.

7news.Az