Las-Veqasdakı Nevada Universitetində 3 nəfəri öldürən hücumçunun hədəf siyahısı olan bir akademik olduğu və fakültə üzvlərini hədəf aldığı bildirilib.

7NEWS.az xəbər verir ki, ABŞ-ın Las-Veqas şəhərində Nevada Universitetində 3 nəfəri qətlə yetirən hücumçunun kimliyi məlum olub. Bildirilib ki, 67 yaşlı akademik Entoni Ceyms Polito bir müddət çalışdığı Şimali Karolina Universitetinin, eləcə də Nevada Universitetinin əməkdaşlarının da yer aldığı "hədəf siyahısı” hazırlayıb. Politonun ölkənin digər universitetlərinin professor-müəllim heyətinə də çoxlu şübhəli məktublar göndərdiyi qeyd edilib.

7NEWS.az