"Bu cinayət əmrini verən və təşkilatlandıran şəxslərin planlarının həyata keçirilməsini qeyri-mümkün edəcək tədbirlər görəcəyik”.

7News.az "İnterfaks” agentliyinə istinadən xəbər verir ki, bu sözləri Rusiyanın Türkiyədəki səfiri Andrey Karlova qarşı təşkil edilən sui-qəsdi şərh edən Rusiyanın xarici işlər naziri Sergey Lavrov deyib.

Lavrovun sözlərinə görə, səfir Suriyada terrora qarşı aparılan mübarizənin qarşısını almaq üçün öldürülə bilər.

Rusiya xarici siyasət idarəsinin başçısı Moskvada Türkiyə, Rusiya və İran xarici işlər nazirləri arasında keçiriləcək görüşdə Suriya mövzusunda konkret qərarların qəbul olunacağını bildirib.