Lənkəranda 4 gün əvvəl baş verən yol-nəqliyyat hadisəsi zamanı xəsarət alan şəxs ölüb.
Ağır dərəcəli bədən xəsarətləri ilə Lənkəran Rayon Mərkəzi Xəstəxanasına yerləşdirilən 1984-cü il təvəllüdlü Fariz Sadıqov bu gün orada dünyasını dəyişib.
Qeyd edək ki, sentyabrın 16-da rayonun Nərimanabad qəsəbəsində "VAZ-21099" markalı avtomobil idarəetmədən çıxaraq aşıb. Nəticədə avtomobilin sürücüsü Məzahir Məhərrəm oğlu Ağayev hadisə yerində ölüb. Onun meyiti aidiyyəti üzrə təhvil verilib. Avtomobildə olan sərnişin -1984-cü il təvəllüdlü Fariz Sadıqov ağır dərəcəli bədən xəsarətləri ilə Lənkəran Rayon Mərkəzi Xəstəxanasına yerləşdirilib.
Faktla bağlı araşdırma aparılır./apa
7NEWS.Az
