Beləliklə də bu edam cəzası kral ailəsinin üzvünə verilən ilk edam kimi tarixə düşüb. Şahzadə Faysal Abdullah Əl Caber Əl Sabahla eyni gündə daha 6 məhkum Küveytdəki mərkəz həbsxanasında edam edilib. 

Şahzadənin öldürdüyü şəxsin də kral ailəsinin üzvü olduğu və hadisəni 2010-cu ildə törətdiyi vurğulanır. 

Edam edilənlər arasında ərinin ikinci evliliyini gerçəkləşdirdiyi toya hücum edərək çox sayda insanı öldürən qadın da olub. 

Adının Nusra Əl Enezi olduğu bildirilən qadın ərinin ikinci dəfə evlənməsinə razı olmayıb və toy çadırını atəşə tutub. Nəticədə 40-dan çox insan ölüb ki, onların da arasında qadın və uşaqlar da olub. 

Şahzadə ilə birlikdə edam edilən digər məhkumlar Benqladeş, Misir, Efiopoya və Filippin vətəndaşlarıdır. Onlar insan qaçırmaq, təcavüz kimi cinayətlərə görə edama məhkum ediliblər. 

Qeyd edək ki, son 4 ildə ölkədə heç bir edam qərarı icra olunmamışdı. //Cebhe.info