Bu gün Bakı Ağır Cinayətlər Məhkəməsində həmkarını bıçaqlayan taksi sürücüsü Elşən Nuriyevin cinayət işi üzrə məhkəmə prosesi yekunlaşıb.
Hakim İradə Həsənzadənin icraatında olan prosesdə hökm oxunub.
Məhkəmə kollegiyasının hökmü ilə E.Nuriyev 2 il 6 ay müddətinə azadlıqdan məhrum edilib. İstintaq dövründə sərbəst qalan E.Nuriyev məhkəmə zalında həbs edilib.
Qeyd edək ki, E.Nuriyev müştəri üstündə digər taksi sürücüsü ilə mübahisə edib. Əlbəyaxa davada isə onu bıçaqlayıb./qafqazinfo
7news.Az
