Qalmaqallı amerikalı reper və videobloqer, əsl ad və soyadı Belkalik Almanzar olan Kardi Bi yeni mahnısının videoklipini çəkdirir.
7News.Az TMZ-yə istinadən bildirir ki, 26 yaşlı reper soyunaraq bədənini pələng təki boyayıb, Mayami çimərliyində tverk göstərib.
Halbuki, çəkiliş günü o, Nyu-Yorkda məhkəmədə olmalı idi.
Hakim Kardi Biyə xəbərdarlıq edərək bildirib ki, əgər reper bir də məhkəmə iclasına qatılmasa, həbs ediləcək.
Kardi Bi Nyu-Yorkun Kuins səmtindəki "Angels" striptiz klubunda dava salıb. O, hücumda, adam döyməkdə, kiçik qanun pozuntusunda suçlanır.
Kardi Bi "Angels" striptiz-klubunda barmen işləyən iki bacı ilə dalaşıb. Reperin fikrincə, bu bacılar onun əri, reper Offseti tovlayaraq cinsi əlaqəyə sövq ediblər.
Olay bu ilin avqustun 15-də yaşanıb. Kardi Bi bacılarla bilavasitə dalaşmasa da, reperin cangüdənləri və onunla gəlmiş kişilər barmenlərə butulkalarla, kətillərlə hücum ediblər. Barmen bacılarla yanaşı, klubun iki işçisi də döyülüb.
7News.Az
