"Güzin Abla” ləqəbi ilə tanınan yazıçı Feyzan Alganın oxucusuna verdiyi cavab sosial şəbəkələrdə müzakirələrə səbəb olub. 

7News.Az Türkiyə mətbuatına istinadən xəbər verir ki, adını açıqlamayan bir qadın "Güzin Abla”ya universitetdə tanış olduğu bir gənc oğlanın ona təcavüz etdiyini söyləyib: "Bir gün məni dostunun evinə apardı. Orada mənə içki içizdirib, təcavüz etdi. Mən indi kişilərə necə etibar edim?". 

"Güzin Abla” isə cavabında bunları onunla bölüşdüyü üçün oxucusuna təşəkkür edir: "Bu cür yazılar gənc oxucularıma dərs olur. Onlara verəcəyim məsləhətlər işlərinə daha çox yarayır. Hər qarşınıza çıxan kişiyə inanıb, onunla tək qalmayın”.

Yazarın gənc qıza bu cavabı hər kəsin böyük marağına səbəb olub.