Bekhem 7 yaşlı qızını dodağından öpüb və həmin anın görüntüsünü izləyiciləri ilə bölüşüb.

Lakin bir çox insan onun bu səmimi görüntüsünü topa tutub. Hər kəs bir atanın qızını dodağından öpməsini yanlış hesab edib və ayıb olduğunu deyib.

Mübahisəyə məşhur şəxslər də daxil olub. Futbolçu Cemi Vardinin həyat yoldaşı Rebeka Vardi Bekhemə dəstək çıxaraq uşaqlarını hər zaman dodaqlarından öpəcəyini deyib. O, həyat yoldaşının qızını dodağından ödüyü yerdə fotosunu çəkib və həmin görüntünü sosial mediada paylaşıb.

Məşhur jurnalist Pyers Morqan da Bekhemə dəstək olub.

Məşhur futbolçu isə onu topa tutanlarla təmkinlə cavab verib:

"Mən bütün uşaqlarımı həmişə dodağından öpürəm, Bruklindən başqa. Bruklin 18 yaşındadır, o, bir az qəribə qarşılaya bilər. Biz uşaqlarımıza sevgimizi göstərən valideynlərik. Viktoriya ilə uşaqlarımızı qorumaq və onlara sevgi göstərmək istəyirik”.

7News.Az