Moldovanın Qaqauz Muxtar Vilayətinin prezidenti Yevgeniya Qutsulun Rusiya prezidenti Vladimir Putinlə görüşü Kişinyov-Komrat münasibətlərindəki problemləri və Qaqauz türklərinin haqlarını yenidən gündəmə gətirib.

7NEWS.az xəbər verir ki, Qaqauz Muxtar Vilayətinin prezidenti Qutsul ötən həftə Rusiyanın Soçi şəhərində keçirilən Dünya Gənclər Forumunun toplantısında iştirak edib. Burada Qutsul Rusiya lideri Putinlə də görüşüb. Moldova administrasiyası Qutsulun Putinlə görüşünü alqışlamayıb. Qaqauz administrasiyası nəzdində fəaliyyət göstərən Şor partiyası verdiyi açıqlamada Moldova rəhbərliyinin görüşlə əlaqədar Qutsulun saxlanması üçün hazırlıq gördüyünü iddia edib.

7NEWS.az