Rusiya paytaxtında Moskva Maliyyə-Hüquq Universitetini partlatmaqla hədələyən tələbə qız saxlanılıb.

Təhdid mesajı universitetin elektron poçtuna göndərilib. Müəllif özünü tələbə kimi təqdim edib, adını və telefon nömrəsini göstərib.

"Universitetə ​​partlayıcı qurğu yerləşdirilib, mən onu telefon nömrəmdən istifadə edərək uzaq məsafədən işə salacağam”, - deyə mesajda qeyd edilib.

Universitetə ​​fövqəladə xidmət əməkdaşları çağırılıblar. Kinoloqlar əraziyə baxış keçirsələr də, təhlükəli heç nə aşkar etməyiblər.

Tələbə qız saxlanılaraq polis şöbəsinə aparılıb. O bildirib ki, ondan istifadə ediblər. Qızın fikrincə, bu hərəkət bir müddət əvvəl tanış olduğu bir oğlan tərəfindən edilə bilər.

Hadisə ilə bağlı araşdırma aparılır.