ABŞ-ın Florida ştatında bağça müəllimi uşağın qarnına anası üçün qeyd yazıb.
WBBH-TV-nin xəbərinə görə, hadisə Sanibel şəhərində baş verib.
Müəllim bir yaşlı Milonun qarnına "Ana, mənim bezlərim qurtarıb, zəhmət olmasa, buna fikir ver”, - deyə markerlə qeyd yazıb.
Azyaşlı körpəsinin qarnında markerlə qeyd yazıldığını görən Hizer Çisum qəzəblənib.
Sosial şəbəkədə bu barədə paylaşım edən ana belə hadisənin ilk dəfə olmadığını deyib:
"Müəllim qeydi vərəqə yaza və ya şəxsən özümə deyə bilər. Amma o, bunu suya davamlı markerlə uşağın bədəninə yazıb”, - deyə ana yazının uzun müddət körpənin bədənindən silinmədiyini bildirib.
Qeyd edilir ki, bağça müdiriyyəti hadisəni törədən müəllimi işdən çıxarıb.
