Misir məhkəməsi qərar qəbul edib.

Misirin Sohaq şəhər Cinayət Məhkəməsi bu gün ölkədə qadağan olunmuş “Müsəlman qardaşları” hərəkatının 26 üzvünə ömürlük həbs cəzası verib.

7news.az RİA Novosti-yə istinadən xəbər verir ki, məhkəmənin qərarına əsasən daha 67 nəfər 15 il ciddi rejimli cəzaçəkmə müəssisəsində cəza çəkməklə, 6 nəfər isə 10 il həbs cəzası alıb.

Ümumilikdə Sohaq məhkəməsində 119 nəfərə hökm oxunub. Onlar 2013-cü ildə prezident Məhəmməd Mursinin devrilməsindən sonra ölkədə baş verən iğtişaşlar zamanı 3 kilsəni, xristian mərkəzini, mağazaları yandırmaqda təqsirli biliniblər.

Təqsirləndirilən şəxslərin hamısı Misirdə qadağan olunmuş “Müsəlman qardaşları” hərəkatının üzvləridilər.

7news.az