Fransanın keçmiş imperatoru Napoleon Bonapartın özünü öldürmək üçün istifadə etdiyi silahlar hərracda 1,69 milyon avroya satılıb.
7NEWS.az xəbər verir ki, Fransız silah ustası Lui-Marin Qosset tərəfindən hazırlanmış və keçmiş Fransa imperatoru Napoleon Bonaparta məxsus silahlar hərraca çıxarılıb. Napoleonun 1814-cü ildə intihara cəhd etdiyi Fontainebleau sarayının yaxınlığındakı Osenat Hərrac Evində dünən keçirilən hərracda silahlar 1,69 milyon avroya satılıb. Qızıl və gümüşlə bəzədilmiş silahların üzərində Napoleonun profili həkk olunub. Silahlar orijinal qutusu və müxtəlif aksesuarları, o cümlədən barıt qutusu ilə birlikdə hərracda satılıb.
7NEWS.az
