"İŞİD terrorçuları Aralıq dənizindəki gəmilərə hücum edəcək bir güc yaratmağı planlaşdırırlar".

7news.az anspress-ə istinadən bildirir ki, bunu NATO rəsmisi deyib.

Vitse-admiral Kliv Conston "Daily Telegraph" qəzetinə açıqlamasında İŞİD-ın Liviya sahillərinə kimi gəldiyini açıqlayıb. O, terrorçuların bu ərazilərə qədər genişlənməsini dəniz ticarəti sahəsində narahatedici bir kölgə kimi dəyərləndirib.

NATO-nun Müttəfiq Dəniz Qərargahı rəsmisi bölgədəki terrorçu qrupların əlində təkmilləşmiş Rusiya və Çin istehsalı silahların olduğunu, onların Aralıq dənizindəki sərnişin və yük gəmilərinə basqın riskinin yüksək olduğunu deyib.

"İŞİD-ın dənizə çıxmaq arzusunun olduğunu bilirik. Eyni ilə "Əl Qaidə" kimi dəniz qoluna da sahib olmaq istəyir".

Livandakı daxili münaqişələrdən sonra İŞİD-ın burada da ərazi ələ keçirməsi Avropanı da narahat edir. Britaniya Hərbi Dəniz Qüvvələri də terrorçuların bu niyyətinin olduğundan xəbərdardır. Qurum nümayəndəliyi deyir ki, İŞİD hərbi-dəniz silahlarına sahib olmaq istəyir. Adıçəkilən qəzetin yazdığına görə, İngiltərə də daxil olmaqla bir neçə ölkə yerli hərbçilərə təlim keçmək üçün bu ölkəyə minlərlə əsgər göndərməyi planlaşdırır.

Hərbçilər düşünürlər ki, dənizdə terror "Liviya sahillərindəki uğurlu hərbi əməliyyatlara" qisas ola bilər.

7news.az