7News.Az xarici mətbuata istinadən xəbər verir ki, nəticələrin ləğvi ilə bağlı iddiaları xüsusi məhkəmə tərəfindən rədd edilən müxalifətçilər çıxarılan hökmlə razılaşmadıqlarını və ölkənin Ali Məhkəməsinə müraciət edəcəklərini açıqlayıblar.

Onlar fevral ayında keçirilən seçkilərdə uduzan Atiku Abubakar və Piter Obi bir çox qanun pozuntusunun olduğunu düşündüyündən baş tutmuş səsvermənin etibarsız sayılması üçün məhkəmə çəkişmələrini davam etdirəcəklərini açıqlayıblar.

Onların vəkilləri Ali Məhkəməyə şikayət edəcəklərini açıqlayıb. Bunun üçün isə onların 60 günü var.

Qeyd edək ki, çərşənbə günü Nigeriyanın xüsusi seçki məhkəməsi həm Abubakar, həm də Obinin hazırkı dövlət başçısı Bola Tinubunun qazandığı prezident seçkilərinin nəticələrinin ləğv olunması iddialarını rədd edib.