Hər şey çox yaxşıdır, mən yeni mahnı üzərində çalışıram.

 

7News.Az bildirir ki, bunu modern.az-a açıqlamasında Xalq artisti Nisə Qasımova xərçəng xəstəliyinə tutulması ilə bağlı yayılan məlumatlara münasibət bildirərkən deyib.

"İnanın, bu dəqiqə o qədər gərgin iş rejimindəyəm ki... Bilmirəm, mahnını yazdırım, onu aranjiman etdirim... Zəng edib deyirlər ki, "barənizdə nəsə eşitmişik", "səhhətinizdən narahatıq", "efirlərdə görünmürsüz". Bir sözlə, hər şey yaxşıdır", - Nisə Qasımova bildirib.

Müğənni tezliklə onu sevənləri öz mahnıları ilə sevindirəcəyini vurğulayıb.

 

Qeyd edək ki, Xalq artistinin xərçəngə yoluxması ilə bağlı məlumatlar yayılmışdı.

7News.Az