Fransada fevralın 15-dək hökumət dəyişikliyi gözlənilir.
7news.az-ın AzərTAC-a istinadən verdiyi məlumata görə, xarici işlər naziri vəzifəsinə dövlət katibi Matiyas Feklin və keçmiş ədliyyə naziri Elizabet Giqunun adlarının hallanmasına baxmayaraq, yeni hökumətdə xarici işlər naziri Prezident Fransua Ollandın keçmiş həyat yoldaşı Seqolen Ruayalın olacağı gözlənilir.
Bildirilir ki, artıq Seqolen Ruayal Ollandın bu vəzifə ilə bağlı təklifini qəbul edib.
Kənd təsərrüfatı naziri Stefan Lö Folun vəzifədən uzaqlaşdırılacağı gözlənilir.
Matyas Fekl, Tyeri Mandon, Lorans Rosinyol və Aksel Lömer kimi bəzi dövlət katiblərini vəzifələrində yüksəliş gözləyir.
7news.az
