Braziliyada koronavirus səbəbindən onlayn dərs keçən müəllimin evinə oğrular girib. 

"Haber Global” xəbər verir ki, San Paulo Universitetinin 51 yaşlı müəllimi Mario Sandido Santos dörd oğru tərəfindən qarət edilib. 

Oğrulardan biri onun ağzını bağlayıb, digərləri isə evdəki qiymətli əşyaları aparmağa çalışıblar.

Bunu görən tələbələr polisə xəbər veriblər. Hüquq-mühafizə orqanlarının əməkdaşları oğruları hadisə yerində tutublar.