İraqda Mosul əməliyyatı davam edir.

7News.az-ın məlumatına görə, şəhərə getdikcə yaxınlaşan ordu və peşmərgə qüvvələri bütün strateji nöqtələrə nəzarəti ələ keçirib. Başikanın ardınca yeni məntəqələrə hücum edən anti-terror koalisiyası şəhərin yaxın günlərdə tamamilə ələ keçiriləcəyinə əmin olduqlarını bildirib.

İŞİD-in geri çəkildiyi məhəllələrdən qaçanlar isə BMT-nin yaxınlıqdakı qaçqın düşərgələrinə sığınmağa çalışır. Şəhərdən çıxmağa çalışan dinc insanlar çox vaxt terrorçuların hədəfinə çevrilir. Ötən gün qaçqın karvanına hücum edən İŞİD, 14 dinc insanın həyatına son qoyub.