“Bizim itki verməyimizlə bağlı Ermənilərin yaydığı telefon danışıqlarından ibarət səs yazısı saxtadır”.

7News.Az xəbər verir ki, bunu Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı deyib. Onun sözlərinə görə, Ermənistan tərəfi həmin saxta səs yazılarını artıq neçənci dəfədir dövriyyəyə buraxır:

“Bu səs yazıları Ermənistanın hərbi kriminal rəhbərliyinin xəstə təxəyyülünün məhsuludur. Azərbaycan tərəfi heç bir itki verməyib və bu barədə düşmən tərəfinin yaydığı məlumatlar kökündən yalandır”.

V. Dərgahlı əlavə edib ki, hazırda təmas xəttində vəziyyət stabildir və Azərbaycan Ordusu əməliyyat şəraitinə tam nəzarət edir.

Qeyd edək ki, Ermənistan mətbuatı Azərbaycan tərəfinin guya itki verməsi barədə telefon danışıqlarından ibarət səs yazısı yayıb.