Pakistanda sərnişin avtobusu yanacaq daşıyan avtomobillə toqquşub. 

7News.Az xarici KİV-ə istinadən xəbər verir ki, qəza zamanı 24 nəfər ölüb, 16 nəfər yaralanıb.

Yaralılardan beşinin vəziyyəti ağırdır. 

Bildirilir ki, qəzaya uğrayan avtobus Sindh əyalətinin Karaçi bölgəsindən Belucistan əyalətinin Pancur bölgəsində doğru hərəkət edirdi.

Qəzadan sonra hər iki avtomobildə yanğın baş verib. Hadisənin səbəbləri məlum deyil.

7News.Az