Yanvarın 5-də Parisdə "sarı jiletlilər”in növbəti etiraz aksiyası zamanı polisə hücum edənlərdən biri keçmiş peşəkar boksçu və 2007-ci ildə boks üzrə Fransa çempionu olub.
7News.Az xəbər verir ki, BFM telekanalının məlumatına görə, hücum edən boksçunun adı Kristof Dettinedir.
Telekanalın yayımladığı kadrlarda iricüssəli, əynində yaşıl jilet olmayan qara gödəkçəli bir kişi qalxan və qoruyucu şlem geyinmiş polis işçisinə yumruqları ilə zərbə endirir. O, zərbələri polisin baş nahiyəsinə endirir.
Bu zaman polis müqavimət göstərməyə çalışsa da, özünü yıxılmaqdan güclə saxlayır. Digər bir videoda isə həmin boksçunun yerdə uzanan polis işçisinə ayaqları ilə zərbə endirməsi görünür.
"Bir boksçu kimi, siz qaydalara riayət etmirsiniz. Biz sizi cinayət məcəlləsində olan qaydalarla tanış edərik”, - deyə polis komissarlığının rəsmi "Twitter” səhifəsində yazılıb.
Bildirilir ki, polis Fransa mətbuatında yayılmış video ilə bağlı hələlik heç kimi həbs etməyib.
Bununla belə, Fransa XİN rəhbəri Kristof Kastaner bəyan edib ki, boksçu bu "qorxaq və yolverilməz hərəkətini” izah etməlidir.
Fransa Boks Federasiyası da boksçunu ittiham edib.
"Federasiya və Milli Peşəkar Boks Liqası olaraq bizim dəyərlərə zidd olan bu cür zorakılığı qəti şəkildə pisləyirik və imicimizin qorunması üçün bütün lazımi tədbirləri görəcəyik”, - deyə federasiyanın saytında qeyd edilib.
#GiletsJaune très forte mobilisation à #Paris le peuple en colère force les barrages de police #Acte8 #ActeVIII #05janvier #05janvier2019
Monsieur, vous qui avez frappé un collègue à terre, vous êtes identifié. Pour un boxeur, vous ne respectez apparement pas beaucoup de règles. Nous allons vous apprendre celles du code pénal. @EmmanuelMacron @EPhilippePM @CCastaner @NunezLaurent @DGPNEricMorvan @prefpolice
7News.Az
