Roma polisi iki turisti axtarır. Həmin turistlərin axtarışına səbəb İtaliyanın birləşdirilməsi şərəfinə tikilmiş və altında naməlum əsgər məzarının olduğu deyilən "Altare della Patria” (Vətən səcdəgahı) kilsəsi ətrafındakı fəvvarədə çiməsi olub. Roma qanunlarına əsasən, şəhərin tarixi meydanlarındakı fəvvarələrdə çimmək qadağandır.

7News.Az unikal.org-a istinadən xəbər verir ki, paytaxt polisi artıq həmin turistlərin şəkillərini yayıb və səfirlikləri onları tapmağa çağırıb.

Bildirilir ki, hadisə rus bələdçisi Maksim Maletski tərəfindən telefonun kamerası ilə lentə alınıb və "Il Messaggero” qəzetinə bu barədə dərhal məlumat verilib.