Gecə saatlarında paytaxtın Bakıxanov qəsəbəsində bıçaqlanma hadisəsi baş verib. 1990-cı il təvəllüdlü Qarayev Anar İlqar oğlu naməlum şəxs və ya şəxslər tərəfindən bıçaqlanıb.
7News.Az-ın xəbərinə görə, A.Qarayev Sabunçu rayon 3 saylı Şəhər Klinik Xəstəxanasına çatdırılıb.
Yaralıya qarın nahiyəsinin kəsilmiş-deşilmiş yarası diaqnozu qoyulub.
Hazırda onun vəziyyətinin qənaətbəxş olduğu bildirilir.
Daha bir oxşar hadisə paytaxtın "Həzi Aslanov” metrostansiyası yaxınlığında baş verib. 1991-ci il təvəllüdlü İsmayılov Elnur Ramiz oğlu naməlum şəxs və ya şəxslər tərəfindən bıçaqlanıb.
E.İsmayılov Sabunçu rayon 3 saylı Şəhər Klinik Xəstəxanasına çatdırılıb. Ona sol budun kəsilmiş-deşilmiş yarası diaqnozu qoyulub. Hazırda vəziyyəti qənaətbəxşdir.
Hər iki faktla bağlı araşdırma aparılır.
7News.Az
