Konqo Respublikasının paytaxtı Kinşasada polisin aksiya iştirakçılarına atəş açması nəticəsində 26-dan çox etirazçı həlak olub.

7News.az "theguardian”a istinadən xəbər verir ki, hadisə zamanı daha bir neçə aksiya iştirakçısı ağır yaralanıb. Bildirilir ki, hökumət əleyhinə nümayişlər təşkil edən narazı kütlə prezident Jozef Kabilanın istefasını tələb edir. 

Qeyd edək ki, Kabilanın səlahiyyət müddəti başa çatsa da, o postunu tərk etməkdən imtina edib. Ölkə qanunlarına görə, onun yeni dövlət başçısı seçilənə qədər postunda qalmaq hüququ var. Konqoda növbəti prezident seçkilərinin 2018-ci ildə keçirilməsi nəzərdə tutulub. Kabila növbəti prezident seçkilərində namizədliyini irəli sürməz.