Xəbər verdiyimiz kimi, yaxın günlərdə ABŞ və Rusiya prezidentləri Donald Tramp və Vladimir Putin arasında görüşün keçiriləcəyi gözlənilir.

7news.Az İHA-ya istinadən xəbər verir ki, Tramp görüşün Finlandiyanın paytaxtı Helsinkidə keçirilə biləcəyini söyləyib.

O, görüşdə Suriya müharibəsi və Ukraynadakı son vəziyyəti müzakirə edəcəyini bildirib. Həmçinin, Rusiya ilə əlaqələri inkişaf etdirmək istədiyini vurğulayıb.

Görüşün 11-12 iyulda Belçikanın paytaxtı Brüsseldə təşkil ediləcək NATO zirvəsindən sonra keçiriləcəyi gözlənilir.

Qeyd edək ki, Putinin xarici siyasəti üzrə köməkçisi Yuri Uşakov görüşün yeri və vaxtının 28 iyunda elan ediləcəyini açıqlanmışdı.