Çində internet vasitəsiylə canlı yayım edən qadın, izləyicilərinin sayını artırmaq üçün qəribə addım atıb.
O, şəxsi avtomobilinə od vurub. Nəqliyyat vasitəsini tamamilə bürüyən alov çox keçmədən ətrafa sıçramağa başlayıb. Nəzarətdən çıxman yanğının qarşısını almaq üçün qadın yanğınsöndürənlərə müraciət etmək məcburiyyətində qalıb. Onların səyi nəticəsində alovun daha da genişlənməsinin qarşısı alınıb.
Qeyd edək ki, Çində canlı yayımla pul qazananların sayı kifayət qədərdir. Bu bazarda dövr edən pulun məbləği milyardlarla dollar dəyərində hesablanır.
