Son oyun günündə paytaxtın “Zirə” klubu ilə qarşılaşan “Qarabağ” növbəti dəfə Azərbaycan çempionu olub.
Qurban Qurbanovun komandası səfərdə “Zirə”yə 2:0 hesabı ilə qalib gəlməklə, son 4 turun nəticəsindən asılı olmayaraq, çempionluğu rəsmiləşdirib.
Qeyd edək ki, Ağdam təmsilçisi ilk dəfə 1993, daha sonra isə 2013, 2014 və 2015-ci illərdə Azərbaycan çempionatının qalibi olub.
“Qarabağ” çempionluq sayına görə sadəcə “Neftçi”dən (8 çempionluq) geri qalaraq, bu sahədə ikinci sırada qərarlaşıb.
