Qaxda 24 yaşlı gənc göbələkdən zəhərlənib.

7News.az bildirir ki, Qax Rayon Mərkəzi Xəstəxanasından verilən məlumata görə, oktyabrın 19-u axşam saat 17 radələrində rayonun Alatəmir kənd sakini, 1992-ci il təvəllüdlü Niko Nodar oğlu Rosiyaşvili mədəsində sancılar və yüksək qan təzyiqi əlamətləri ilə xəstəxanaya daxil olub. Müayinə zamanı 24 yaşlı Niko Rosiyaşvilinin yaşadığı ünvanda göbələk yediyi məlum olub.

Xəstəxananın reanimasiya şöbəsinə yerləşdirilən Niko Rosiyaşviliyə lazımı tibbi yardım göstərildikdən sonra vəziyyəti stabilləşib.

7News.az