Bu gün səhər saatlarında Siyəzən rayonu ərazisində ağır yol nəqliyyat hadisəsi baş verib. Siyəzən rayon Qaz İstismar Sahəsinin qəza xidmətinin avtomobili ilə digər bir yük maşını toqquşub.

7news.Az RTV-yə (Region TV) istinadən xəbər verir ki, nəticədə QİS-in əməkdaşları Siyəzən rayon sakinləri, 1959-cu il təvəllüdlü Mustafayev Fərman Ramazan oğlu, 1964-cü il təvəllüdlüMirzəquluyev Mirzəqulu Məmmədqulu oğlu və 1961-ci il təvəllüdlü Məlikov Nurməmməd Lətif oğlu müxtəlif xəsarətlər alaraq Siyəzən Regional Müalicə Diaqnostika Mərkəzinə aparılıblar.

Hər 3 xəstənin vəziyyəti ağır stabil olduğundan ilkin yardımdan sonra onlar paytaxtdakı tibb müəssisələrindən birinə göndərilib. Qəzanın başvermə səbəbləri və digər detalları ilə bağlı Siyəzən rayon Polis Şöbəsindən məlumat verilməyib.

7news.Az