Bakı-Sumqayıt yolunda baş verən qəza zamanı xəsarət alaraq xəstəxanaya yerləşdirilən şəxslərdən biri dünyasını dəyişib.

Sumqayıt Təcili Tibbi Yardım Xəstəxanasındanverilən məlumata görə, ölən şəxsin kimliyi hələlik dəqiqləşməyib. Bununla da ölənlərin sayı 3-ə çatıb.

“Hadisə nəticəsində xəstəxanamıza 10 nəfər yaralı gətirilib ki, onlardan da hələlik 7 nəfərin şəxsiyyətini müəyyənləşdirə bilmişik”-deyə xəstəxanadan bildirdilər.

Xəsarət alan şəxslər aşağıdakılardır:
1. Baloğlan Ağakişiyev-1988-ci il təvəllüdlü
2. Rövşən Cavadov-1988-ci il təvəllüdlü
3. Rəşad Əhmədov
4. Əsməd Məhəmmədova
5. İbadət Allahverdiyeva Faiq qızı
6. Ofelya Məmmədova Məhəmməd
7. Asif Paşabəyov

***10:12***

Bakı-Sumqayıt yolunda ölümlə nəticələnən yol qəzası baş verib. Bakı-Sumqayıt marşrutu üzrə hərəkət edən mikroavtobus qəzaya uğrayıb.

Bakı Şəhər Baş Dövlət Yol Polis İdarəsindən verilən məlumata görə, Ceyranbatan su anbarının yaxınlığında “Ford-Tranzit” markalı mikroavtobus idarəetməni itirərək yol kənarındakı maneəyə çırpılıb. Hadisə nəticəsində iki nəfər ölüb, 10 nəfər xəsarət alıb.

Hazırda ölən və yaralananların kimliyinin müəyyən edilməsi istiqamətində işlər aparılır.

Əlavə məlumat veriləcək.../anspress

7news.az

Azyaşlılardan və əsəbləri zəif olanlardan bu videoya baxmamaq xahiş olunur.