Qazaxıstanın Almatı vilayətində yeraltı sulardan nəhəng "buz vulkanı" meydana gəlib.
7News.Az xəbər verir ki, qeyri-adi təbiət hadisəsini əks etdirən kadrlar hər kəsin marağına səbəb olub.
Belə ki, yerdən çıxan su donaraq 14 metr hündürlükdə "vulkana" dönüb. Maraqlısı budur ki, su "vulkanın" buz divarlarının arasından buxarlanır.
Bir çox sakinlər və turistlər bu "qala"nı görmək üçün məkana axın ediblər.
Həmin ərazidə ötən il də "buz vulkanı" peyda olmuşdu, lakin onun hündürlüyü bu dəfəkindən qat-qat az olub. Yayda isə burada hər yer yaşıllıqla örtülür.
