Çempionlar Liqasında 1/8 final mərhələsinin oyunları davam edir.
7News.az-ın məlumatına görə, bu gün daha 2 qarşılaşma keçirilib.
Əsas diqqətlər Madridə yönəlib. Burada ÇL-in son qalibi "Real" cari mövsümün favoritlərindən olan PSJ-ni qəbul edib. Qarşılaşma İspaniya təmsilçisinin 3:1 hesablı qələbəsi ilə başa çatıb.
Günün digər matçında "Portu” "Liverpul"u qəbul edib. Görüş qonaqların böyükhesablı qələbəsi ilə yekunlaşıb - 5:0.
Qeyd edək ki, 1/8 final mərhələsinin ilk oyunları çərçivəsində daha 4 qarşılaşma gələn həftə keçiriləcək.
14 fevral
Çempionlar Liqası
1/8 final mərhələsi, ilk oyunlar
23:45."Portu" (Portuqaliya) - "Liverpul" (İngiltərə) - 0:5
Qol: Sadio Mane, 25, Məhəmməd Salah, 29, Sadio Mane, 53, Firmino, 70, Sadio Mane, 85
23:45."Real" (İspaniya) - PSJ (Fransa) - 3:1
Qol: Adrien Rabio, 34 (0:1), Ronaldo, 45 (1:1), 83 (2:1), Marselo, 87 (3:1)
