Türkiyə prezident Rəcəb Tayyib Ərdoğan Türk Şurasının baş katibi Ramil Həsənovu qəbul edib.
Məlumata görə, qəbul Türkiyədə səfərdə olan Qazaxıstan prezidenti Nursultan Nazarbayevin şərəfinə verilən şam ziyafətindən sonra olub.
Görüş zamanı 15 iyul hərbi çevriliş cəhdi zamanı Türk Şurasının tərəddüdsüz Türkiyə dövləti və xalqının tərəfində olduğunu xatırladan R. Həsənov bundan sonra da Şuranın Türkiyənin yanında olacağını bildirib. Çevriliş cəhdi zamanı Türk Şurasına üzv olan ölkələrin yüksək vəzifəli şəxsləri ilə əlaqə saxladığını və bunun nəticəsində Şura üzvü ölkələrdən Türkiyəyə güclü həmrəylik mesajlarının gəldiyini bildirən baş katib Türk Şurasının hazırda icra etdiyi layihələr və gələcək planları barədə Ərdoğana məlumat verib.
Ərdoğan isə R. Həsənova və Türk Şurasına minnətdarlığını bildirərək bu çətin dönəmdə qardaş dövlətlərin dəstəyinin önəmini vurğulayıb. O, Türk Şurasının fəaliyyətinə bu günə qədər verilmiş dəstəyin bundan sonra daha da gücləndiriləcəyini deyib./apa
