2 ay müddətində Siyəzən, Şabran, Kürdəmir, İmişli və Laçın rayonlarında həyata keçiriləcək layihənin ideyasını regionlarda valideynlik, nəsillərarası ünsiyyət bacarıqlarını, ailə prinsiplərini gücləndirmək, gənclərdə milli ailə institutuna hörmət və məsuliyyət anlayışını inkişaf etdirməklə ənənəvi ailə dəyərləri, milli kimliyin qorunması və möhkəmləndirilməsinə töhfə verməkdir.

Layihənin digər bir məzmunu bölgələrdə ailədaxili konfliktlərin azaldılmasına, pozitiv milli ailə modelinin təşviqinə, sosial sabitlik və milli-mənəvi dəyərlərin davamlılığına dəstək verməkdir.

Layihə çərçivəsində 5 regionda valideynlər, gənclər, təhsil işçiləri, aidiyyətli yerli qurumlar arasında mövzu üzrə sorğuların keçirilməsini, nəticələrin təhlil edilərək hesabatın hazrlanması, hər bir rayonda valideynlərin, gənclərin, yerli icra hakimiyyəti, təhsil, ailə, qadın, uşaq məsələri üzrə məsulların, hüquq-mühafizə, gənclər, idman, ağsaqqal, din institutu və QHT-lərin iştirakı ilə milli ailə institutu və mənəvi dəyərlərin təbliğinə dair maarifləndirici seminarların təşkili, gələcək əməkdaşlığa hesablanan regional şəbəkələrin yaradılması, davamlı motivasiya yaradan bilgi və məlumatların yayımı nəzərdə tutur.

Layihə dayanıqlılıq, gələcək nəticəyönümlü addımlar üçün milli-mənəvi dəyərlərin deqradasiyasına qarşı mübarizəyə və onlara çevik reaksiya verməkdən, onların yayılma arealını azaltmaq üçün təsir mexanizmlərinə dair təklif, tövsiyyə və dayanıqlı fəaliyyət üsullarının hazırlanmasını da nəzərdə tutur.

Layihədə AR Elm və Təhsil Nazirliyi, Ailə, Qadın və Uşaq Problemləri üzrə Dövlət Komitəsi, onun regional idarələri, mərkəzləri və yerli icra hakimiyyətləri ilə tərəfdaşlıq qurulacaqdır. 

  

    SQPR İctimai Birliyi ictimai əlaqələr

          və informasiya departamenti