Bu barədə Rusiya prezidentinin mətbuat katibi Dmitri Peskov bildirib.

Onun sözlərinə görə, terrorçuların Palmiranı ələ keçirməsi Rusiyanın nüfuzuna qətiyyətlə xələl gətirmir:

"Palmira Suriya şəhəridir. Bu isə o deməkdir ki, Rusiya Palmiranı itirməyib. Palmiranın ətrafında nələr baş verdiyinə gəlincə, bildirim ki, təhlükə artıq yaranıb”.

Qeyd edək ki, İŞİD terror qruplaşması Palmiranı dekabrın 11-də işğal edib. Bu şəhərin işğalı prosesində təxminən 5 min döyüşçü iştirak edib. Onlar əsasən, Rəqqa, Deyr-əz-Zora və İraqdan gəlmələr olub.

Palmira Suriyanın paytaxtı Dəməşqdən 240 km məsafədə yerləşir. İşğala qədər 80 faiz yerli əhali şəhəri tərk edib./qafqazinfo