Azyaşlı qızın qolunun eskalatora ilişməsi anbaan kameralara düşüb. 

7News.Az xarici mediaya istinadən xəbər verir ki, hadisə Çinin Hubai əyalətində baş verib. Belə ki, azyaşlı qız anası ilə birlikdə alış-veriş mərkəzində olarkən yuxarı mərtəbəyə qalxmaq üçün eskalatora miniblər.

Bu zaman uşağın qolunu hərəkətdə olan pilləkənlərin kənarına söykəyib. Nəticədə onun qolu eskalatora ilişib. Hadisəni görən ana dərhal qızını dartaraq qolunu ilişdiyi yerdən çıxarmağa cəhd edib. Lakin bu mümkün olmayıb və xilas edicilər gələrək həmin hissəni sökərək azyaşlını xilas ediblər.